Magnús Þórir í U-21 árs liðinu

Magnús Þórir Matthíasson hefur verið valinn í U-21 árs landsliðshóp Íslands sem mætir Belgíu og Noregi í byrjun september.  Magnús er nýliði í U-21 árs liðinu en hann á að baki leiki með U-19 ára liði Íslands.  Magnús er fæddur árið 1990 og er því 21 árs.  Hann lék fyrst með meistaraflokki Keflavíkur árið 2007 og á að baki 47 deildarleiki og sex mörk, sex bikarleiki og þrjú mörk í bikarnum og einn leik í Evrópukeppni.  Við óskum Magnúsi til hamingju með áfangann og óskum honum og félögum hans í landsliðinu góðs gengis í leikjunum framundan.