Magnús Þormar í Keflavík

Magnús Þormar er genginn til liðs við Keflavík og leikur með liðinu út þetta tímabil.  Magnús er Keflvíkingur í húð og hár og lék með félaginu í gegnum alla yngri flokka.  Hann á að baki 16 leiki með meistaraflokki og varð bikarmeistari með Keflavík árið 2004.  Magnús lék með Stjörnunni síðasta sumar og hefur verið í herbúðum Grindavíkur í sumar.  Það er styrkur fyrir okkar lið að fá Magnús í hópinn fyrir seinni hluta keppnistímabilsins.  Liðið hefur þá tvo sterka og reynda markmenn í honum og Ómari.  Markvörður 3ja flokks, Árni Freyr Ásgeirsson, hefur verið varamarkmaður meistaraflokks í sumar.  Hann er efnilegur markmaður en aðeins 16 ára gamall og er á leiðinni á Opna Norðurlandamótið með U-17 ára landsliðinu. 

Við bjóðum Magnús velkominn aftur til Keflavíkur. 

Magnús ákveðinn á svip fyrir bikarúrslitaleikinn 2004. (Mynd: Jón Örvar)