Magnús Þorsteinsson til Grindavíkur

Magnús Þorsteinsson, leikmaður Keflavíkur til margra ára, hefur ákveðið að ganga til liðs við úrvalsdeildarlið Grindavíkur fyrir komandi keppnistímabil.  Magnús lék nokkra af leikjum Keflavíkur í Landsbankadeildinni sl. sumar en var óheppinn með meiðsli og var mikið frá síðari hluta keppnistímabilsins.  Hann kom þó inn á sem varamaður í úrslitaleik VISA-bikarkeppninnar á móti KA.

Knattspyrnudeild Keflavíkur vill óska Magnúsi velfarnaðar á nýjum vettvangi og þakkar honum gott samstarf á umliðnum árum. ási