Markalaust gegn Víkingum
Það var fátt um fína drætti þegar Keflavík og Víkingur mættust í 16. umferð Landsbankadeildarinnar á Keflavíkurvelli. Hvorugu liðinu tókst að skora í kuldanum og niðurstaðan varð markalaust jafntefli. Okkar menn geta vel við unað eftir að hafa verið einum manni færri stóran hluta leiksins en Víkingar töpuðu af dýrmætum stigum og verða í hörkufallbaráttu í síðustu tveimur umferðunum. Eftir leikinn er Keflavík í 6. sæti deildarinnar með 20 stig en Víkingur er í 8.-10. sæti með 14 stig. Næsti leikur Keflavíkur er útileikur gegn Fylki sunnudaginn 23. september kl. 17:00. Hér koma svo nokkrar myndir sem Jón Örvar tók á Víkingsleiknum.
Keflvíkingar mættir til leiks.
Fyrir leikinn var Ásgeirs Elíassonar minnst með mínútu þögn.
Gummi stillir sér upp en ekki fór tuðran í markið.
Hasar í teig Víkinga.
Dómarinn stingur því rauða í vasann og Mete sendur í bað.
Keli var okkar mönnum erfiður.
Branko tekst ekki að snúa fyrirliða Víkings úr hálsliðnum.
Kom ekki við hann!
Bjarki átti stórleik í markinu.
Enn frábær tilþrif hjá Bjarka.
Skyndisókn í lokin en ekki kom mark frekar en fyrri daginn.
Guðjón þungt hugsi yfir úrslitunum.
