Mörkin hans Gumma - frá nr. 1 til 73

Eins og fram hefur komið bætti Guðmundur Steinarsson markamet Keflavíkur í efstu deild í leiknum gegn Grindavík.  Hann skoraði þá sitt 73. mark í deildinni.  Hér að neðan er listi yfir þessi mörk en eins og sjá má kom það fyrsta í útileik gegn Akranesi í maí 1998.

Guðmundur hefur skorað þessi 73 mörk í 61 leik.  Í 50 leikjum hefur hann gert eitt mark, tíu sinnum hefur hann skorað tvö mörk í leik og eina þrenna Guðmundar kom í 3-3 jafntefli gegn Fram í ágúst árið 2000.  Keflavík hefur unnið 34 leiki þar sem Guðmundur hefur skorað, tapað tólf leikjum en fimmtán hefur lokið með jafntefli.  Flestir áhorfendur sáu Guðmund skora í heimasigri gegn ÍA í maí 2008 en þá voru 2527 áhorfendur á Keflavíkurvelli.  Fæstir voru hins vegar á heimaleik gegn KA í september 2002 en þá voru 236 hræður á vellinum. 

Þegar mörkin 73 eru skoðuð kemur í ljós að 38 þeirra voru skoruð með skotum, 21 mark kom úr vítaspyrnum, skallamörkin eru sjö, fimm mörk komu beint úr aukaspyrnu og Guðmundur hefur tvisvar afrekað að skora beint úr hornspyrnu.  Af mörkunum 73 hafa 34 verið skoruð í fyrri hálfleik en 39 í þeim seinni.

Guðmundur fagnar markinu sögulega gegn Grindavík.

Eitt af eftirminnilegri mörkunum.  Aukasp. á Akranesí í júní 2005.