Mörkin hans Gumma - hvar og á móti hverjum?

Eins og fram hefur komið er Guðmundur nokkur Steinarsson orðin markahæsti leikmaður Keflavíkur í efstu deild frá upphafi.  Við ætlum aðeins að kíkja á það hvar Guðmundur hefur skorað þessi mörk sín og á móti hverjum.  Það þarf ekki að koma á óvart að rúmur um helmingur markanna hefur komið á Keflavíkurvelli, eða 38 af mörkunum 73.  Þar á eftir kemur Grindavíkurvöllur þar sem Guðmundur kann greinilega vel við sig og síðan kemur Laugardalsvöllurinn en þar hefur Guðmundur reyndar skorað gegn þremur félögum; KR, Fram og Þrótti. 

Þegar skoðað er gegn hvaða liðum Guðmundur hefur skorað mörkin er greinilegt að hann kenn vel við að skora gegn KR og Grindavík sem tróna efst á listanum.  Þar á eftir koma Fylkir og Fram.  KA er eina liðið sem Guðmundur hefur aðeins skorað eitt mark gegn í efstu deildinni.  Það lið sem Guðmundi hefur gengið hvað verst að skora gegn er FH en hann hefur skorað tvö mörk í 18 leikjum gegn Hafnfirðingum.  Þau voru reyndar bæði söguleg, það fyrra kom beint úr hornspyrnu en það síðara var fyrsta markið sem var skorað á nýuppgerðum Keflavíkurvelli síðasta sumar.

Guðmundur fagnar marki í 4-2 sigri á KR árið 2008.
Enn hefur engin skýring fengist á fagninu en ljóst að það
verður aldrei endurtekið enda langstökksgryfjan horfin.