MYNDIR: Góður leikur gegn Maltverjum
Þátttöku okkar í Evrópukeppninni er lokið þetta árið eftir jafntefli gegn Valletta frá Möltu á Sparisjóðsvellinum. Okkar lið átti prýðisgóðan leik og hefði með smáheppni getað farið með sigur af hólmi. Úrslitin í viðureigninni réðust í raun í fyrri leiknum ytra þar þar sem heimamenn unnu með þriggja marka mun. Eygló Eyjólfsdóttir var mætt á völlinn og hér fylgir skemmtileg myndasyrpa frá henni.
Liðin ganga til leiks.
Byrjunarlið Keflavíkur í fylgd ungra knattspyrnumanna.
Fyrirliðarnir og dómarakvartettinn frá Wales.
Steini formaður og forseti Valletta heilsuðu upp á leikmenn.
Og það gerði Árni bæjarstjóri líka.
Haukur Ingi með fyrirgjöf...
...en markmaðurinn ver skallann frá Alen.
Tveir góðir, Johan Jordi og Jón Gunnar.
Umgjörðin var flott að vanda.
Einar Orri var í baráttunni.
Hobbittarnir frumfluttu nýtt stuðningslag í hálfleik.
Jón Gunnar í dauðafæri en ekki vildi tuðran inn.
Maggi var sprækur.
Hörkuskot frá Jóni í samskeytin og búið að jafna.
Enginn nær frísparkinu frá Jóa og boltinn endar bara í markinu.
Jói og Alen fagna markinu og forystunni.
Bjarni, Alen og Guðjón með Den Ouden í gjörgæslu.
Smá utandagskrárumræður...
Strákarnir þurftu ekki að kvarta yfir stuðningnum frekar en venjulega.
Tvær kempur, Jordi og Jón Örvar í leikslok.
