MYNDIR: Sigur í daufum nágrannaslag
Keflavík situr á toppi Landsbankadeildar karla eftir 1-0 útisigur á Grindvíkingum. Leikurinn var reyndar ekki upp á marga fiska og óhætt að segja að nágrannaslagirnir hafa oft verið fjörugri. Það var svo í takt við leikinn að eina markið var slysalegt sjálfsmark á meðan leikmenn liðanna voru duglegir við að klúðra efnilegum sóknum og dauðafærum. Eygló Eyjólfsdóttir mætti með myndavélina á Grindavíkurvöll og hér koma myndir af því helsta sem gerðist þar.
Tóti fékk eina mínútu til að gera sig kláran í leikinn og stóð sig vel.
Höddi kominn á ágætt færi en ekki gekk það í þetta sinn.
Haddi með skot af stuttu færi en Simunic ver.
Haddi heimtar mark en fær ekki.
Grindvíkingar skalla að eigin marki...
...og boltinn endar í netinu.
Stórhætta við Grindavíkurmarkið.
Jafntefli í gulu spjöldunum, þrjú á hvort lið.
Jón Gunnar skallar í stöngina.
Simunic ver með tilþrifum einu sinni sem oftar.
Fjórir sóknarmenn á móti einum varnarmanni!
Það veit enginn hvernig þetta klúðraðist...
Þrjú stig í höfn og sigrinum fagnað.
