Nettóhöllin er 25 ára í dag

Nettóhöllin eða Reykjaneshöllin eins og hún er líka þekkt fyrir að heita  er 25 ára í dag en hún var vígð þann 19. febrúar árið 2000.  

Reykjaneshöllin var fyrsta fjölnota íþróttahúsið sem reis hér á landi og markaði tímamót í þróun á íslenskri knattspyrnu hérlendis. Nú hafa risið ótal mörg knattspyrnuhús um allt land.  Það er gaman að segja frá að í formlegum opnunarleik mættust Keflavík og úrvalslið Atla Eðvaldssonar heitins sem var  þáverandi landsliðsþjálfari.  Í hálfleik léku svo  6. flokks lið Keflavíkur og Njarðvíkur.   Eftir leikinn hófst svo  Íslandsmót fatlaðra í frjálsum íþróttum.  

Nú í upphafi árs fékk Nettóhöllin nýtt gras sem er mikil bylting fyrir iðkendur í knattspyrnu hér í Reykjanesbæ.  Það er óhætt að segja að mannvirkið sé vel nýtt frá morgni til kvölds fyrir allan aldur. 

Hér má finna umfjöllun um opnun Reykjaneshallarinnar árið 2000