Knattspyrna | 7. maí 2004

Nóg að gera hjá kvennaliðinu um helgina

Um helgina leikur meistaraflokkur kvenna eina tvo leiki í Deildarbikarnum.  Á laugardag spila þær við Þrótt R. og fer leikurinn fram á gervigrasvellinum í Laugardal kl. 14:00.  Á sunnudaginn verða stelpurnar hins vegar á heimavelli og leika við Sindra í Reykjaneshöllinni kl. 14:00.  Við hvetjum alla til að mæta og fylgjast með liðinu sem hefur verið að leika vel í undanförnum leikjum og lofar góðu fyrir sumarið.