Nuddtæki að gjöf

Knattspyrnudeild barst góð gjöf á dögunum þegar Guðmundur Sighvatsson, eigandi Komfort, færði deildinni   IQ Massager rafbylgjunuddtæki.  Um er að ræða tæki á stærð við iPod sem hentar vel til að eiga við stoðkerfisvandamál, vöðvaverki og önnur eymsli.  Það var Falur Daðason, sjúkraþjálfari meistaraflokks karla, sem tók við tækinu sem á örugglega eftir að koma sér vel.  Komfort raftækjaþjónusta er umboðsaðili IQ Massager á Íslandi og hefur selt tækin hér á landi frá árinu 2013.

Við þökkum kærlega fyrir okkur.