Nýr leikmaður

Sigurbjörn Hafþórsson, 18 ára miðjumaður frá Siglufirði, hefur gengið til liðs við Keflavík og mun skrifa undir 3ja ára samning þegar hann kemur suður um helgina.  Hann æfir á föstudag og fylgist svo með liðinu á Íslandsmótinu innanhúss.  Þrátt fyrir ungan aldur er Sigurbjörn búinn að spila mikið fyrir KS á undanförnum árum.  Hann spilaði sinn fyrsta leik 2003 og spilaði þá fjóra leiki.  Árið 2004 spilaði hann sex leiki og þeim fjölgaði hressilega 2005 en þá spilaði hann sautján leiki.  Í sumar spilaði Sigurbjörn nítján leiki með KS/Leiftri, átján í deild og einn í bikar. Við bjóðum Sigurbjörn velkominn í hópinn.