Nýr samingur við PUMA

Knattspyrnudeild Keflavíkur og Tótem ehf. hafa framlengt samstarfssamning sinn um þrjú ár en Tótem er umboðs- og dreifingaraðili PUMA á Íslandi.  Keflavík mun því leika í PUMA til loka ársins 2012 en félagið er nú að leika sitt sjöunda tímabil í búningum frá fyrirtækinu.  Í samningnum er gert ráð fyrir margvíslegu samstarfi Keflavíkur og Tótem en meðal annars stendur til að selja vörur frá PUMA á heimaleikjum Keflavíkur.  Það er Knattspyrnudeild mikil ánægja að framlengja samninginn enda hefur samstarfið við Tótem ehf. og starfsfólk fyrirtækisins verið ánægjulegt og farsælt.