Ómar ekki með í sumar

Ómar Jóhannsson markvörður verður ekki með Keflavík á komandi keppnistímabili vegna meiðsla.  Hann hefur verið að glíma við meiðsli og nú er orðið ljóst að hann þarf að taka sér frí frá knattspyrnuiðkun í sumar.

Ómar er 32 ára gamall og lék fyrst með meistaraflokki Keflavíkur árið 2002.  Hann hefur leikið 180 deildarleiki, 18 bikarleiki og 9 Evrópuleiki með Keflavík og varð bikarmeistari með liðinu árið 2006.  Ómar var valinn leikmaður ársins hjá Keflavík árið 2011.