Ómar Jóhannsson og Haraldur Guðmundsson hafa verið valdir í U21 árs landslið Íslands sem leikur gegn Þýskalandi á Akranesi 5. september. Þeir félagar eru í 16 manna hópi Ólafs Þórðarsonar og er Ómar reyndasti leikmaður hópsins með 17 U21 árs landsleiki. Þjálfarinn valdi sex nýliða í hópinn að þessu sinni og það þýðir að ekki er pláss fyrir Magnús Þorsteinsson og Hólmar Örn Rúnarsson sem voru með liðinu í síðasta leik gegn Litháen í júní.
