Keflavík sigraði Augnablik örugglega í 32 liða Borgunarbikars karla.  Lokatölur urðu 5-0 en leikið var í Kórnum í Kópavogi.  Theodór Guðni Halldórsson gerði tvö mörk strax í byrjun leiks og Frans Elvarsson bætti þriðja markinu við.   Magnús Sverrir Þorsteinsson gerði svo tvö mörk í seinni hálfleik.

Dregið verður í 16 liða úrslit Borgunarbikarsins á föstudag kl. 12:00 í höfuðstöðvum  KSÍ.

Næsti leikur er heimaleikur gegn Fjölni í Pepsi-deildinni en leikurinn verður á Nettó-vellinum sunnudaginn 1. júní kl. 19:15.

Leikskýrsla á KSÍ.is

• Þetta var fyrsti leikur Keflavíkur og Augnabliks.
   
• Magnús Þorsteinsson gerði sjötta og sjöunda mark sitt í bikarnum en Theodór og Frans voru báðir að skora sín fyrstu mörk í bikarkeppninni fyrir Keflavík.
   
• Magnús, Theodór og Frans skorðu allir sín fyrstu mörk í sumar.  Theodór gerði fyrstu mörk sín fyrir Keflavík í deild eða bikar.
   
• Anton Freyr Hauksson og Ari Steinn Guðmundsson léku í fyrsta sinn í sumar.  Anton Freyr var að leika sinn fyrsta leik fyrir Keflavík, þ.e. í deild eða bikar.
   
• Jonas Sandqvist, Unnar Már Unnarsson, Theodór Guðni Halldórsson, Anton Freyr Hauksson, Endre Ove Brenne, Daníel Gylfason og Ari Steinn Guðmundsson léku allir sinn fyrsta bikarleik fyrir Keflavík.
   

Myndir: Jón Örvar Arason