Ragnarsmótið á laugardaginn

Laugardaginn 26. febrúar verður hið árlega minningamót um Ragnar Margeirsson haldið í Reykjaneshöllinni kl. 16:00.  Það eru gamlir félagar Ragnars sem standa að mótinu sem hefur verið haldið undanfarin ár.  Metþátttaka er í ár en allur ágóði af mótinu rennur til góðgerðarmála.  Aldurstakmark í Ragnars-mótinu er 35 ár og undanfarið ár hafa gamlar kempur fjölmennt og skemmt gestum með gamalkunnum töktum.  Leikið er í 6 manna liðum á litlum völlum og því er oft handagangur í öskjunni.  Það er því óhætt að hvetja fólk til að mæta í Reykjaneshöllina á laugardaginn.

Ragnar lék með Keflavík, KR og Fram auk íslenska landsliðsins (Mynd frá Víkurfréttum).

Þessar kempur urðu í 3. sæti í fyrra.


Sigurliðið á síðasta ári.