Samstarf við Víði

Knattspyrnudeildir Keflavíkur og Víðis í Garði hafa gert með sér samning um margvíslegt samstarf.  Samningurinn var undirritaður fyrir æfingaleik liðanna á mánudaginn.  Í samningnum er m.a. gert ráð fyrir að leikmönnum sem einhverra hluta vegna nýtast ekki hjá Keflavík skuli bent á þann möguleika að spila með Víði.  Einnig fær Keflavík að æfa á æfingasvæði Víðis á vorin og liðin leika einn æfingaleik á aðalleikvangi Víðis.