Sigur á Skaganum

Keflvíkingar gerðu góða ferð á Akranes um síðustu helgi og unnu heimamenn 1-2 í Fótbolta.net-mótinu.  Arnór Ingvi Traustason kom Keflavík yfir á 6. mínútu leiksins en Skagamenn jöfnuðu á 20. mínútu.  Það var svo Bojan Stefán Ljubicic sem skoraði sigurmarkið á 65. mínútu.  Keflvíkingar höfðu áður tapað fyrir Breiðablik og FH í mótinu.  Enn á eftir að leika um sæti í mótinu og þar mætast Keflavík og Selfoss en ekki er búið að ákveða leikdag.

Lengjubikarinn byrjar svo fimmtudaginn 16. febrúar þegar Keflavík mætir Víkingum í Egilshöllinni og hefst sá leikur kl. 19:00.

Arnór Ingvi og Bojan Stefán gerðu mörkin á Akranesi.