Sigur hjá eldri flokki gegn Þrótti
Lið Keflavíkur í eldri flokki atti kappi við Þrótt R. s.l. föstudag í Reykjaneshöllinni. Leikurinn fór heldur rólega af stað þar sem Þróttarar spiluðu agaðan varnarleik með áherslu á skyndisóknir, ein slík skilaði þeim forystu um miðjan fyrri hálfleikinn. Rétt fyrir hálfleik jöfnuðu Keflvíkingar með marki frá Ingvari Georgssyni. Fljótlega í seinni hálfleik náðu Keflvíkingar forystu og eftir það var aldrei spurning hvoru megin sigurinn endaði. Þegar upp var staðið höfðu Keflavíkurdrengirnir gert 8 mörk gegn 2 frá Þrótturum.
Mörk Keflavíkur:
Ingvar Georgsson 2, Haukur Benediktsson 2, Friðrik Bergmannsson 2, Sigurður Björgvinsson og Rúnar Eyberg Árnason.
Næsti leikur Keflavíkur er í dag, mánudaginn 11. júní, gegn Gróttu.
Leikið verður á Seltjarnarnesi kl. 20:00.
Liðin stilltu sér saman upp í myndatöku að leik loknum.
Efri röð, þriðji frá hægri: Keflvíkingurinn Þór Sigurðsson.
Neðri röð frá vinstri: Ragnar Sigurðsson lukkutröll, Sigurður Björgvinsson, Brynjar Harðarson, Ingvar Georgsson, Rúnar Eyberg Árnason, Jóhann B. Magnússon, Karl Finnbogason, Haukur Benediktsson, Ólafur Þór Gylfason, Friðrik Bergmannsson og Gunnar Magnús Jónsson
