Sigur í markaleik

Keflavík vann ÍR 5-4 í fjörugum leik í Lengjubikarnum á laugardaginn.  Haraldur Freyr kom Keflavík yfir á 4. mínútu en nokkrum mínutum síðar jöfnuðu ÍR-ingar.  Keflvíkingar bættu svo við þremur mörkum frá Magnúsi Þóri, Guðmundi Steinars og Herði og Keflavík var komið í þægilega stöðu.  Staðan í hálfleik var því 4-1.

Á stuttum tíma þurftu þeir Hólmar Örn, Magnús Sverrir og Alen Sutej að fara þeir út af vegna meiðsla.  ÍR-ingar nýttu sér það til hins ýtrasta og á stuttum tíma voru þeir búnir að gera þrjú mörk og jafna leikinn í 4-4.  Nokkrum mínútum fyrir leikslok urðu ÍR-ingar svo fyrir því óláni að skora sjálfsmark og Keflavík sigraði því 5-4.

Keflavík hefur því sex stig eftir tvo leiki í Lengjubikarnum.  Næsti leikur liðsins verður sunnudaginn 14. mars kl. 19:00 gegn KR í Egilshöllinni.

Markaskorararnir Hörður, Guðmundur, Haraldur og Magnús Þórir.

Willum ræðir við sína menn eftir leikinn.