Símun skoraði fyrir Færeyjar

Símun Samuelsen skoraði mark Færeyinga í 1-2 tapi gegn Ísrael í undankeppni HM á laugardaginn.  Ísraelsmenn komust yfir strax í upphafi og bættu við öðru marki á síðustu mínútu leiksins.  Færeyingar tóku miðju, brunuðu fram og Símun skoraði með hörkuskoti.  Pilturinn var reyndar staddur nálægt hornfánanum þegar hann lét skotið ríða af!  Hann hafði komið inn á um tíu mínútum fyrir leikslok.  Símun skoraði þar með sitt fyrsta landsliðsmark í sínum fjórða leik og óskum við honum hamingju með áfangann.