Sindri Kristinn og Anton Freyr með U-19 ára

Sindri Kristinn Ólafsson og Anton Freyr Hauksson eru í U-19 ára landsliðshópi Íslands fyrir tvo vináttulandsleiki gagn Norður-Írum.  Þorvaldur Örlygsson, þjálfari U-19 landsliðsins, hefur valið 24 leikmenn til að taka þátt í leikjunum.  Fyrri leikurinn verður á Samsung vellinum í Garðabæ þann 9. október og sá seinni á K&G vellinum í Sandgerði 12. október.

Þeir Sindri og Anton eru báðir fæddir árið 1997 og hafa leikið með yngri flokkum Keflavíkur.  Þeir eiga báðir leki með U-17 ára landsliðinu og Sindri hefur einnig leikið leik með U-19 ára landsliði Íslands.  Anton lék sem lánsmaður með Njarðvík í sumar en Sindri hefur leikið með Keflavík í Pepsi-deildinni.

Við óskum piltunum og félögum þeirra í landsliðinu góðs gengis.