Stórleikur í dag hjá 3.flokki

Í dag, föstudaginn 14. maí, leika Keflavíkurpiltar síðasta leik sinn í riðlakeppni Faxaflóamótsins gegn HK.  Leikurinn fer fram í Reykjaneshöll og hefst kl. 18:00.  Staðan í riðlinum er gríðarlega jöfn en 2 efstu liðin fara í úrslit.  Ef Keflavík sigrar í leiknum í dag er sigurinn í riðlinum okkar og við leikum gegn Reyni/Víði í undanúrslitum.  Ef Keflavík gerir jafntefli eða tapar með einu marki endar liðið í 2. sæti og leikur þá gegn Aftureldingu í undanúrslitum, þá sigrar FH riðilinn.  Ef Keflavík tekur aftur á móti upp á því að tapa með 2ja marka mun eða meira þá er hlutskiptið 3. sæti riðilsins og HK nær 2. sætinu.  Það er því von á hörkuleik í dag en flestir leikja Keflavíkur í Faxaflóamótinu hafa verið stórskemmtilegir.  Fólk er eindregið hvatt til þess að líta við í Reykjaneshöllinni í dag og sjá skemmtilegan leik.

6. flokkur karla leikur á laugardaginn í Faxaflóamótinu á Seltjarnarnesi.  A- og B-liðin léku um s.l. helgi en þessa helgina leika C- og D-liðin. 
Sjá leikjaniðurröðun C-liða á slóðinni: http://www.ksi.is/asp/listar/mot.asp?MotNumer=7446
Leikjaniðurröðun D-liða á slóðinni: http://www.ksi.is/asp/listar/mot.asp?MotNumer=7447

Sunnudaginn 16. maí leikur sameiginlegt lið Keflavíkur og Njarðvíkur í 5. flokki karla gegn Árbæjarliðinu Fylki.  Leikirnir eru liðir i frístundahelgi Reykjanesbæjar og verður leikið frá kl. 11:00-13:40.  Alls verða leiknir 7 leikir.