Stórsigur hjá stelpunum í fyrsta leik

Kvennalið Keflavíkur hóf leik í 1. deildinni á sunnudag þegar þær mættu liði Draupnis frá Akureyri í Reykjaneshöllinni.  Það er skemmst frá því að segja að stelpurnar fengu fljúgandi start í deildinni.  Þær sóttu frá fyrstu mínútu en markið lét á sér standa og Draupnis-stúlkur reyndu að beita skyndisóknum.  Þær gengu misvel en eftir eina slíka pressuðu þær markvörðinn, uppskáru mark og komust þvert á gang leiksins í 1-0.  Gestirnir hefðu stuttu síðar getað komist í 2-0 en Anna Rún fórnaði sér og varði með andlitinu!  Eftir þetta skoruðu okkar stelpur og þá var ekki aftur snúið.  Þær settu þrjú í viðbót í fyrri hálfleik og staðan 4-1 í hálfleik.  Síðari hálfleikur var eign Keflavíkur frá upphafi til enda þær settu tíu mörk og endaði fyrsti leikur í ár því 14-1.

Mörk Keflavíkur: Nína Ósk Kristinsdóttir með 6 mörk, Agnes Helgadóttir 3, Karitas S. Ingimarsdóttir 2, Andrea Ósk Frímannsdóttir 1, Guðný P. Þórðardóttir 1, Fanney Þórunn Kristinsdóttir 1.  Mark Draupnis skoraði Rakel Óla Sigmundsdóttir.