Stórsigur í bikarnum

U23 ára liðið vann stórsigur á jafnöldrum sínum í Þrótti þegar liðin léku í VISA-bikarnum í vikunni.  Lokatölurnar urðu 7-1 og gerði Þórarinn Kristjánsson sér lítið fyrir og setti 5 mörk.  Helgi Þór Gunnarsson og Einar Ottó Antonsson skoruðu síðan eitt mark hver.  Í næstu umferð leika strákarnir gegn Breiðablik og verður sá leikur mánudaginn 2. júní á Keflavíkurvelli.  Meistaraflokkur kemur síðan inn í bikarkeppnina í 32-liða úrslitunum.