Stórsigur í Helsingör

Keflavíkurliðið lék í dag sinn síðasta leik í æfingarferð liðsins í Danmörku.  Liðið dvelur í Helsingör og notaði tækifærið og lék við lið heimamanna sem leika í 3. deild.  Eftir að staðan í hálfleik var 1-1 lauk leiknum með öruggum sigri okkar manna, 5-1.  Hörður Sveinsson skoraði tvö mörk í leiknum, Zoran Ljubicic eitt úr víti, Haraldur Guðmundsson skoraði með þrumuskoti af 25 metra færi og Magnús Þorsteinsson setti eitt stykki.  Eins og áður sagði var þetta þriðji og síðasti leikurinn í ferðinni en strákarnir koma heim á laugardagskvöld.