Stórt tap í öðrum FUTSAL-leiknum
Keflvíkingar töpuðu stórt í öðrum leik sínum í Evrópukeppninni í FUTSAL í gær. Lokatölur urðu 5-17 fyrir KBU France sem er með alveg hreint klassalið í þessum innanhússbolta. Keflavík komst þó í 2-0 með mörkum frá Magnúsi Sverri og Haraldi Frey. En þá tóku Frakkarnir öll völd á leiknum og röðuðu inn mörkum. Staðan var 2-10 í hálfleik og útlitið ekki gott hjá okkar mönnum.
Seinni hálfleikur var betri hjá Keflavík en Frakkarnir léku mjög vel enda atvinnumenn í þessari grein og spila grimmt allt árið um kring. Keflavík skoraði þrjú mörk í seinni hálfleiknum og þau gerðu þeir Arnór Ingvi, Viktor Smári og Gummi Steinars. Lokatölur urðu 5-17.
Í hinum leiknum sigraði Eindhoven lið Vimmerby IF 12-1.
Lokaleikirnir fara fram á þriðjudag og þá mætast KBU France og Vimmerby IF kl. 15:00 og í seinni leiknum leika Eindhoven og Keflavík kl. 17:30.
Mörk Keflavíkur: Magnús Sverrir Þorsteinsson, Haraldur Freyr Guðmundsson, Arnór Ingvi Traustason, Viktor Smári Hafsteinsson og Guðmundur Steinarsson.
Byrjunarlið Keflavíkur: Eyþór Ingi Júlíusson, Haraldur Guðmundsson, Guðmundur Steinarsson, Bojan Stefán Ljubicic og Magnús Sverrir Þorsteinsson fyrirliði.
Aðrir leikmenn: Árni Freyr Ásgeirsson, Magnús Þór Magnússon, Viktor Smári Hafsteinsson, Arnór Ingvi Traustason, Theodór Halldórsson, Zoran Daníel Ljubicic og Lúkas Malesa.
Liðsstjórn: Willum Þór Þórsson, Þór Hinriksson, Jón Örvar Arason, Falur Helgi Daðason, Þórólfur Þorsteinsson og Björgvin Björgvinsson.
Fyrsti dómari: Kamil Cetin frá Tyrklandi.
Annar dómari: Gregor Kovacic frá Slóveníu.
Þriðji dómari: Marc Birkett frá Englandi.
Tíma dómari: Andri Vigfússon frá Íslandi.
Myndir: Jón Örvar
