Suðurnesjamót 5. flokks

Miðvikudaginn 25. ágúst fór Suðurnesjamót 5. flokks kvenna fram á Iðavöllum.  Spilað var í A- og B-liðum og tókst mótið mjög vel en keppendur voru 60-70.  Í keppni A-liða sigraði Grindavík en lið Keflavíkur lenti í öðru sæti.  Hjá B-liðum sigraði lið Keflavíkur með fullt hús stiga.  Í lok mótsins var síðan verðlaunaafhending þar sem allar stelpurnar fengu medalíu og sigurliðin eignarbikar og að henni lokinni var boðið upp á pizzu og gos.