SVALA-mót 6. flokks á laugardag
Þá styttist í 6. flokks mót Keflavíkur sem ber nafnið „SVALA-mótið“. Leikið verður í Reykjaneshöll laugardaginn 17. febrúar. Alls eru 40 lið skráð til leiks frá 11 félögum; Keflavík, Njarðvík, Leikni, Aftureldingu, Reyni/Víði, ÍBV, Þór Akureyri, Selfossi, ÍR, Skallagrími og Þrótti Vogum. Leikið verður í fjórum deildum, Appelsínu-, Epla, Jarðarberja- og SítrónuSvala-deildunum. Mótið fer af stað kl. 9:00 og síðustu úrslitaleikjum lýkur upp úr kl. 15:30. Gera má ráð fyrir um 400 keppendum auk þjálfara, liðsstjóra og vonandi mikils fjölda foreldra/forráðamanna. Það má því búast við miklu fjöri í Reykjaneshöllinni á laugardaginn.