Tap gegn Fjölni

Keflavíkurstúlkur sóttu ekki gull í greipar Fjölnisstúlkna í Landsbankadeild kvenna s.l. mánudag á Fjölnisvelli.  Leikur liðanna endaði með sigri Fjölnis 1-0. Mark Fjölnis skoraði Meagan DeWan á 63. mínútu.  Ekki náði Keflavík að fylgja eftir góðum sigri á Breiðablik.  Keflavíkurstúlkur réðu ferðinni lengstum af og björguðu m.a. Fjölnisstelpur tvisvar á marklínu eftir mikinn atgang Keflavíkur.  Fjölnisliðið varðist af mikilli hörku og  treystu svo á langar spyrnur á framherja sína og vonuðust eftir að varnarlína Keflavíkur gerði mistök.  Úr einni slíkri sókn urðu varnarmönnum Keflavíkur á mikil mistök sem sóknarlína Fjölnis nýtti sér.

Lið Keflavíkur: Dúfa, Anna, Lilja, Björg Ásta, Donna, Eva (Beth), Danka, Björg Magnea, Vesna, Una, Guðný.
Varamenn: Jelena, Rebekka, Bryndís, Ester, Helena.

Keflavíkurstúlkur þjappa sér saman.
(Mynd: Víkurfréttir):