Tap í fyrsta leiknum í Lengjubikarnum

Keflavík tapaði fyrsta leiknum í Lengjubikarnum þetta árið þegar Víkingar unnu 4-2 í Egilshöllinni.  Guðmundur Steinarsson kom Keflavík yfir með marki úr víti í byrjun leiks og þannig var staðan í hálfleik.  Viktor Jónsson, Hjörtur Hjartarson og Helgi Sigurðsson komu Víkingum í 3-1 í seinni hálfleik.  Daníel Gylfason minnkaði muninn undir lokin en Viktor tryggði Víkingum sigurinn á lokamínútunni með sínu öðru marki.  Keflavík tefldi fram ungu liði í leiknum og meirihluti hópsins lék með 2. flokki í fyrra.

Næsti leikur er gegn Stjörnunni en sá leikur verður í Reykjaneshöllinni laugardaginn 25. febrúar kl. 12:00.