Tap í lokaleiknum

Keflavík tapaði síðasta leik sínum í Landsbankadeildinni á ár fyrir Breiðablik í Kópavogi.  Lokatölur 2-1 sem verða að teljast sanngjörn úrslit.  Það var greinilegt frá byrjun að það var meira undir hjá Breiðablik í þessum leik.  Breiðablik þurfti að sigra til að forðast fall og Keflavík voru fastir í fjórða sætinu.  Guðmundur Steinarsson og Þórarinn Kristjánsson voru ekki í leikmannahópi Keflavíkur og munar um minna.  Staðan í hálfleik var 2-0 og Breiðablik var betri aðilinn í leiknum.  Símun Samuelsen minnkaði muninn fyrir Keflavík þegar lítið var eftir með skalla sem hafði viðkomu í varnarmanni heimaliðsins.  Keflavík náði því ekki að vinna útileik í deildinni, töpuðu 5 leikjum og gerðu 4 jafntefli.

Keflavík endaði í fjórða sæti deildarinnar með 24 stig og kræktu sér um leið í Evrópusæti.

Keflvíkingar verða því að taka sig saman í andlitinu fyrir bikarúrslitin næstu helgi og ljóst að Kristján þjálfari mun nota þessa viku vel til að undirbúa liðið eins og best verður á kosið.

Kópavogsvöllur, 23. september - Landsbankadeildin
Breiðablik 2 (Magnús Páll Gunnarsson 17.,  Arnar Grétarsson víti 30.)
Keflavík 1 (Sjálfsmark 87.)

Keflavík (4-4-2): Ómar Jóhannsson - Guðjón Antoníusson, Guðmundur Mete (Ragnar Magnússon 57.), Kenneth Gustavsson, Branko Milicevic - Símun Samuelsen, Baldur Sigurðsson, Jónas Guðni Sævarsson, Hallgrímur Jónasson (Einar Orri Einarsson 33.) - Stefán Örn Arnarson, Magnús Þorsteinsson (Ólafur Jón Jónsson 68.)
Varamenn: Magnús Þormar, Benedikt Birkir Hauksson, Garðar Eðvaldsson, Bjarki Þór Frímannsson
Gul spjöld: Guðmundur Mete (10.), Einar Orri Einarsson (52.), Símun Samuelsen (58.)

Dómari: Kristinn Jakobsson
Aðstoðardómarar: Pjetur Sigurðsson og Ólafur Ingvar Guðfinnsson
Varadómari: Leiknir Ágústsson
Eftirlitsmaður: Þorvarður Björnsson
Áhorfendur: 987

Blikar voru sterkari og ákveðnari í leiknum.
(Mynd: Hans Guðmundsson / Víkurfréttir)