Þór - Keflavík á mánudag kl. 19:15

Okkar menn heimsækja Þór á Akureyri í 11. umferð Pepsi-deildarinnar og þar með lýkur fyrri umferð deildarinnar.  Leikurinn fer fram á Þórsvellinum mánudaginn 18. júlí kl. 19:15.  Eins og stundum áður þurfa bæði lið á stigunum að halda enda eru Þórsarar í neðri hluta deildarinnar en Keflavík í erfiðum miðjupakka.  Fyrir umferðina er Keflavík í 7.-8. sæti deildarinnar með 14 stig en Þór er í 9.-10. sæti með 8 stig.  Dómari leiksins verður Örvar Sær Gíslason, aðstoðardómarar þeir Sigurður Óli Þórleifsson og Sverrir Gunnar Pálmason en eftirlitsmaður KSÍ er Bragi Bergmann.

Keflavík og Þór hafa leikið 22 leiki í efstu deild, þann fyrsta árið 1977 og síðast árið 2002.  Keflavík hefur unnið átta leikjanna, níu sinnum hefur orðið jafntefli en Þór hefur unnið fimm leiki.  Markatalan er 40-33 fyrir Keflavík.  Stærsti sigur Keflavík er 5-2 sigur árið 1993 og það er jafnframt mesti markaleikur liðanna í efstu deild.  Þórsarar hafa mest unnið Keflavík með tveggja marka mun.  Einn leikmaður sem nú er í leikmannahópi Keflavíkur hefur skorað gegn Þór í efstu deild, Magnús Þorsteinsson skoraði eitt mark gegn Þórsurum árið 2002.

Liðin mættust 4 sinnum í næstefstu deild á árin 1991 og 2003.  Þór vann tvo leikjanna en hinum tveimur lauk með jafntefli.  Markatalan í B-deildinni er 6-9 fyrir Þór.

Liðin hafa mæst fjórum sinnum í bikarkeppni KSÍ, árin 1987, 1991, 1993 og 2009.  Þór vann tvo fyrstu leikina eftir vítaspyrnukeppni en Keflavík vann tvo þá síðari.  Markatalan er 6-4 fyrir Keflavík. 

Það hefur ekki verið mikill samgangur milli félaganna tveggja í gegnum árin.  Kristján Guðmundsson þjálfaði reyndar bæði liðin á sínum tíma og Pétur Heiðar Kristjánsson er nú í herbúðum Þórs en hann lék með Keflavík árið 2007.  Áður höfðu Óli Þór Magnússon og Ólafur Pétursson leikið með báðum þessum félögum.

Úrslit í leikjum Þórs og Keflavíkur í efstu deild á heimavelli Þórsara hafa orðið þessi: