Tilbúnir í slaginn eftir Hveragerðisferð!
Strákarnir í meistaraflokknum voru í Hveragerði um helgina við æfingar og lögðu á ráðin fyrir Íslandsmótið sem hefst í kvöld. Farið var austur seinni part föstudags og síðan komu menn sér vel fyrir á Hótel Örk. Eftir mat var farið í gönguferð um Hveragerði undir leiðsögn hins geðþekka þjálfara Keflavíkurliðsins, Kristjáns Guðmundssonar. Á laugardagsmorgunn var brunað á æfingu til Þorlákshafnar og eftir hádegi var æft í Hveragerði. Á sunnudagsmorguninn var svo æft kl. 9:30 í Þorlákshöfn. Aðstaðan á Hótel Örk er alveg til fyrirmyndar og maturinn var góður og rann vel niður í maga leikmanna. Kristján þjálfari og þeir Jón Örvar og Stefano Marsella voru mjög ánægðir með ferðina, sem og leikmennirnir allir. Falur sá um auma ökkla og hélt mönnum í standi alla ferðina og svo sáu þeir Dói og Óskar um að leikmenn vantaði hvorki íþróttagalla né vatn á æfingunum. Góð ferð sem vonandi á eftir að skila sér.
Myndir: Jón Örvar Arason
Ómar, Atli, Steini og Ólafur Jón í morgunmat.
Sigþór í morgunmat (og í rétta búningnum!).
Brian að tapa í tölvuleiknum!
Ási var bara nokkuð klár í snókernum.
Bói tók sig vel út með kjuðann.
Guðjón með þetta líka myndarlega skegg.
Ómar, Jónas og Gummi láta sér líða vel yfir sjónvarpinu.
Vel fylgst með á æfingu.
Hvað ætli sé í gangi þarna?
