Um bikarúrslitaleikinn

Keflavík er komið í úrslit VISA-bikarkeppninnar og leikur á móti KA í úrslitum n.k. laugardag kl. 14:00 á Laugardalsvelli.  Dregið hefur verið um leikinn og heitir leikurinn KA-KEFLAVÍK.  Þá var dregið um hvar áhorfendur og stuðningsmenn liðanna skipa sér í fylkingar í stúkunni í Laugardal og drógumst við Keflvíkingar á "okkar" stað, norðanmeginn.

Heiðursgestur á leiknum verður Halldór Ásgrímsson forsætisráðherra.

Leikurinn verður sýndur beint á RUV.

Upphitun stuðningsmanna KEFLAVÍKUR verður á BRODWAY og opnar húsið kl. 11:00.  Þar verður boðið upp á lifandi tónlist.  Hvatningarlög og hróp verða æfð.  Boðið verður upp á andlitsmálun, sölu á gömlum búningum, nýjum treflum, húfum og ýmsum Keflavíkurvörum, allt á mjög sanngjörnu verði.  Stuðningsmenn Keflavíkur eru hvattir til að fjölmenna á upphitunina, ungir sem aldnir.  Þar verður ekkert kynslóðabil því þar mæta allir jafnir sem stuðningsmenn Keflavíkur.

Forsala aðgöngumiða og ýmsar nánari upplýsingar um verð, rútuferðir, uppákomur o.fl. verða tilkynnt hér á síðunni um leið og ákvarðanir liggja fyrir.