Una Margrét með U-17 ára

Una Margrét Einarsdóttir er í U-17 ára landsliðshópi kvenna sem kemur saman til æfinga dagana 2.-4. júní.  Úlfar Hinriksson þjálfari liðsins hefur valið 23 stúlkur til að taka þátt í æfingunum.

Una Margrét er 16 ára gömul en hún lék fyrst með meistaraflokki árið 2013 og á nokkra leiki að baki í 1. deildinni.  Hún hefur þegar leikið sjö leiki með U-17 ára landsliðinu og skorað tvö mörk í þeim leikjum.  Þess má geta að Una var fyrirliði Íslands gegn Englendingum á Norðurlandamóti í Svíþjóð á síðasta ári.

Við óskum Unu góðs gengis með landsliðinu.