ÚTKALL - Allir í Krikann!

Á morgun sunnudag mætum við FH-ingum í Kaplakrika og hefst leikurinn kl. 16:00.  Þessi leikur hefur allt að segja fyrir bæði lið.  FH verður að vinna til að halda í vonina um sigur í deildinni en sigur eða jafntefli hjá Keflavík tryggir okkur Íslandsmeistaratitilinn.  Þetta er leikur sem enginn stuðningsmaður Keflavíkur má láta sig vanta á.  Strákarnir í liðinu hafa fundið fyrir miklum stuðningi í bæjarfélaginu og víðar.  Það nær meira að segja út fyrir landsteinana og þarf undirritaður að senda SMS á einhverja sjö aðila sem eru staddir erlendis.  Það er mín von, sem og allra leikmanna og þeirra sem að liðinu standa, að allir sem vettlingi geta valdið komi í Kaplakrika á sunnudaginn og styðji liðið eins best og þeir geta.  Kristján þjálfari segir að næsti leikur sé alltaf sá mikilvægasti hjá leikmönnum og sama á við um stuðningsmennina.  Skemmtum okkur á sunnudaginn... ÁFRAM KEFLAVÍK!

Kær kveðja,
Jón Örvar Arason
forráðamaður og liðsstjóri

PS: ég var á vellinum í september 1973 og ég verð á vellinum í september 2008.

Fagnað á síðustu mínútunni í fyrri leik Keflavíkur og FH.
Mynd frá Víkurfréttum.