ÚTTEKT: Sumarið hjá yngri flokkum pilta
Þó að meistaraflokkur hvers félags sé óneitanlega mest í sviðsljósinu og árangur Keflavíkurliðsins hafi verið frábær í sumar má ekki gleyma því að yngri flokkar félagsins hafa verið að æfa og leika í allt sumar og reyndar einnig síðasta vetur. Hér að neðan má sjá samantekt Gunnars Magnúsar Jónssonar, yfirþjálfara yngri flokka pilta, á starfsemi piltaflokka Keflavíkur á árinu.
7. flokkur
Heildarfjöldi iðkenda var 101. Fjöldi að meðaltali á æfingu var 40 piltar.
S.l. vetur keppti flokkuirnn í eftirtöldum mótum: Tomma og Jenna mót, Innanhúsmót í Keflavík, KFC mót Víkings á Víkingsvelli, Faxaflóamót úti.
Mót sumarsins voru þessi:
Vinamót Breiðabliks
A- og B lið í 1. sæti.
LOTTÓ/Búnaðarbankamótið á Akranesi:
A-lið: 3. sæti í A-úrslitum
B-lið: 1. sæti í B-úrslitum
C-lið: 3. Sæti í D-úrslitum
D-lið: 4. Sæti í D-úrslitum
Suðurnesjamót í Grindavík: B-lið Suðurnesjameistari.
Þjálfari: Gunnar Magnús Jónsson.
6. flokkur
Heildarfjöldi iðkenda í 6. flokki var 50 en meðalfjöldi á æfingu voru 35.
Vetrarmót voru Harry Potter mót í Reykjaneshöll, Suðurnesjamót í Reykjaneshöll, Svala mótið í Reykjaneshöll og Faxaflóamót.
Sumarmót:
66 gráður Norður mót í Mosfellsbæ.
Suðurnesjamót í Sandgerði.
Shellmót í Eyjum:
A-lið: 23. sæti
C-lið: 16. sæti
D1-lið: 19. sæti
D2-lið: 9. sæti (tapaði aðeins einum leik í mótinu)
Aron Ingi Valtýsson var valinn í landslið mótsins.
Elías Már Ómarsson var markakóngur mótsins í keppni D –liða með 16 mörk.
Pollamót KSÍ er óopinbert Íslandsmót. Leikið var í Kópavogi (dagsmót), en leiknir eru riðlar víðsvegar um landið. Fjögur lið skipa hvern riðil. Engin úrslitakeppni er haldin.
A-lið: 2. sæti
B-lið: 3. sæti
C-lið: 2. sæti
D-lið: 1. sæti
Heklumót í Garðinum: D-lið Heklumótsmeistari.
Þjálfari: Einar Einarsson.
5. flokkur
Hjá 5. flokki var heildarfjöldi iðkenda 47 en fjöldi að meðaltali á æfingu var 35.
Vetrarmót voru Harry Potter mót í Reykjaneshöll, Íslandsmót innanhúss, Tomma og Jenna mótið í Reykjaneshöll, Faxaflóamót úti og inni, ásamt fjölda æfingaleikja.
Sumarmót:
Esso mótið Akureyri:
A-lið: 18. sæti af 28 liðum
B-lið: 19. sæti af 28 liðum
C-lið: 6. sæti af 28 liðum
D-lið: 10. sæti af 28 liðum
Íslandsmót:
Keflavík lék í B-riðli og var lokastaða liðanna sem hér segir:
A-lið: 4. sæti
B-lið: 4. sæti
C-lið: 4. sæti
D-lið: 1. sæti
Úrslitakeppni er haldin hjá 5. flokk og reiknast stig úr keppni A- og B-liða saman. Þrjú stig fást fyrir sigur hjá A-liðum og 2 stig fyrir sigur hjá B-liðum. Jafntefli gefur alltaf eitt stig. Þrjú efstu liðin í riðlinum komust í úrslitakeppnina. Keflavík endaði í 5. sæti í samanlagðri keppni A- og B-liða og var einungis 2 stigum frá 3. sætinu.
Suðurnesjamót í Keflavík: A-lið varð Suðurnesjameistari.
Þjálfari: Gunnar Magnús Jónsson.
4. flokkur
Heildarfjöldi iðkenda 4. flokks var 50 en fjöldi að meðaltali á æfingu voru 32 piltar.
Síðasta mótið var keppt í þessum mótum: Sparisjóðsmót í íþróttahúsinu í Keflavík, Íslandsmót innanhús, Faxaflóamót innanhús, Faxaflóamót utanhúss, Langbest mótið í Reykjaneshöll. Ásamt fjölda æfingaleikja.
Sumarmót:
Keflavíkurpiltum gekk mjög vel á Íslandsmótinu í ár og er sá flokkur sem náði bestum árangri yngri flokka í ár. Liðið endaði í 2. sæti í B-riðli og vann með því sæti í úrsllitakeppninni ásamt því að spila í A-riðli að ári.
Við sendum A- og B-lið til keppni á Íslandsmótinu í ár.
B-liðið endaði í 6. sæti riðilsins með 13 stig. Liðið sigraði í 4 leikjum, gerði 1 jafntefli og tapaði 4 leikjum. Markakóngur var Ómar Þröstur Hjaltason með 9 mörk.
A-liðið endaði í 2. sæti með 21 stig. 6 sigrar, 3 jafntefli og ekkert tap. Markatalan var: 39-12 Markakóngur liðsins var Björgvin Magnússon með 14 mörk.
Í úrslitakeppninni, sem leikin var í Keflavík, lék liðið fyrst gegn Afureldingu og fóru leikar 3-3. Því næst var leikið gegn Blikum og þar kom eini tapleikur flokksins í ár, piltarnir steinlágu 6-0. Síðasti leikurinn var gegn KA og voru norðanmenn yfirspilaðir og urðu lokatölur 5-1. Keflavík lenti þar með í 2. sæti í sínum úrslitariðli og voru því í 3.-4. sæti á Íslandsmótinu í ár.
VISA REY CUP er alþjóðlegt knattspyrnumót sem haldið var í Laugardalnum. Við sendum A- og B-lið til keppni. A-liðið endaði í 7. sæti af 16 liðum. B-liðið endaði í 6. sæti af 16 liðum. Mjög gott mót sem piltarnir voru sérlega ánægðir með.
Suðurnesjamótið var leikið í Njarðvík. Keflavík varð Suðurnesjameistari í keppni A -liða. Í keppni B-liða var Keflavík1 Suðurnesjameistari og Keflavík2 lenti í 2. sæti.
Einar Orri Einarsson fór í Knattspyrnuskóla KSÍ að Laugarvatni.
Þjálfari: Gunnar Magnús Jónsson.
3. flokkur
Heildarfjöldi iðkenda var 29 en meðalfjöldi á æfingu 22.
Vetrarmót: Íslandsmót innanhúss (Keflavík í 2. sæti í sínum riðli), Sparisjóðsmótið innanhúss, Faxaflóamót inni og úti, Langbest mótið í Reykjaneshöll. Auk þess spilaði flokkurinn mikinn fjölda æfingaleikja.
Keflavík spilaði í B-riðli Íslandsmótsins. Piltunum gekk vel og voru í harðri baráttu með að komast upp í A-riðil. Síðasti leikur sumarsins var gegn Breiðablik og var um að ræða hreinan úrslitaleik á milli liðanna hvort liðið færi upp í A-riðil. Því miður fyrir okkur tapaðist leikurinn og spilum við því áfram í B-riðli að ári.
Keflavík endaði í 4. sæti í riðlinum; 8 sigrar, 2 jafntefli, 4 töp. Markatalan: 40-31.
Í Bikarkeppni KSÍ féll liðið úr leik í 1. umferð gegn KR með 2 –1 tapi í Frostaskjóli.
Keflavíkurpiltar fóru til Danmerkur þar sem þeir tóku þátt í Tivoli Cup. Piltarnir stóðu sig frábærlega og enduðu í 3. sæti.
Ragnar Magnússon var valinn í U-17 ára landsliðshóp Íslands.
Þorsteinn Þorsteinsson valinn í úrtakshóp KSÍ sem kom saman að Laugarvatni.
Þjálfari: Einar Einarsson.
