Valur-Keflavík á miðvikudag kl 19:15
Keflvíkingar mæta Valsmönnum í Landsbankadeildinni miðvikudaginn 21. júní kl 19:15 og leikið verður á Laugardalsvellinum. Þetta er leikur í áttundu umferð og hafa Keflvíkingar sjö stig og Valsmenn tíu stig. Keflavík hefur tapað þremur leikjum í röð á Íslandsmótinu og verða bara hreinlega að hysja upp um sig. Afar þýðingamikill leikur fyrir okkur í baráttunni um að verða í efri hluta deildarinnar. Í síðustu 9 leikjum liðanna á heimavelli Vals hefur Keflavík unnið þrjá leiki en Valur tvo, fjórum leikjum hefur lokið með jafntefli. Keflavík hefur skorað tíu mörk og Valsmenn átta. Í síðustu 18 leikjum milli félaganna, bæði að heiman og heima, hefur Keflavík unnið fimm leiki, Valur fjóra leiki og níu leikir endað með jafntefli. Markatalan er Val í vil, 27-28. Allt stefnir í hörkuleik eins og alltaf þegar þessi lið mætast.
Keflvíkingar eru hvattir að mæta á leikinn og styðja við bakið á strákunum. Ekki veitir af í þessari miklu leikjahrinu sem liðið er nú í. Á föstudagsmorgun verður svo lagt í ferð til Norður-Írlands.
Sjáumst í Laugardalnum annað kvöld.
ÁFRAM KEFLAVÍK!
JÖA
