5. flokkur karla í úrslit Íslandsmótsins
5. flokkur Keflavíkur lauk keppni í riðlakeppni (B – riðli) Íslandsmótsins s.l. þriðjudag. Piltarnir í A og B liðum léku gegn grönnum sínum í Grindavík en C og D liðin léku gegn Fjölni 2. Piltarnir hafa staðið sig mjög vel í sumar og ber þar hæst gengi A – liðsins en þeir hafa leikið 9 leiki í sumar; unnið 8 leiki og gert eitt jafntefli sem skilar þeim í efsta sæti riðilsins í keppni A – liða.
A og B liðin telja saman í Íslandsmótinu þ.e. sigur í A – liðs leik gefur 3 stig, sigur í B – liðs leik gefur 2 stig og jafntefli gefur alltaf eitt stig. Keflavíkurpiltarnir enduðu í 2. sæti í sameiginlegri keppni A og B liða sem er frábær árangur hjá piltunum. Með þessu tryggðu piltarnir sér þátttökurétt í úrslitakeppni Íslandsmótsins ásamt því að færast upp í A – riðil að ári. Úrslitakeppnin fer fram dagana 24. – 26. ágúst en ekki er búið að ákveða hvar keppnin verður haldin þegar þetta er skrifað. Við sendum piltunum hamingjuóskir með árangurinn í sumar og ósk um gott gengi í úrslitakeppninni.
C og D liðin náðu ekki í úrslitakeppnina að þessu sinni en stóðu sig engu að síður vel á Íslandsmótinu í sumar.
Úrslit leikjanna á þriðjudag voru sem hér segir:
A – lið:
Keflavík – Grindavík 2 – 1
Mörk Keflavíkur: Elías Már Ómarsson og Arnþór Guðjónsson.
Lokstaða A – liða. Keflavík á TOPPNUM !!
A - lið Keflavíkur er eina lið Keflavíkur, ásamt Keflavík eldri, sem ekki hefur tapað leik á Íslandsmótinu í ár :-)
B – lið:
Keflavík – Grindavík 3 – 2
Mörk Keflavíkur: Birkir Freyr Birkisson, Einar Þór Kjartansson og Brynjar Freyr Garðarsson.
C – lið:
Keflavík – Fjölnir 1 – 8
Mark Keflavíkur: Friðrik Daði Bjarnason
D – lið:
Keflavík – Fjölnir 0 - 6
Arnþór Guðjónsson hefur spilað frábærlega í vörn A - liðsins í sumar.
Arnþór brá sér í sóknina gegn Grindavík og gerði sigurmark leiksins.
