Á leið heim

Jæja, þá er þessari frábæru æfingaferð lokið hjá okkur Keflvíkingum hér á Oliva Nova.  Það verður lagt í hann kl. 12:30 að staðartíma og flogið heim kl. 16:00.  Í gær voru tvær góðar æfingar og vel tekið á því.  Aðstaðan hér er alveg frábær, hótelið og maturinn góður og frábært æfingasvæði.  Í ferðinni voru ellefu æfingar og að auki spilaður einn leikur.  Strákarnir hafa verið frábærir, æft vel og í þokkabót sloppið við meiðsli hér í ferðinni.  Þjálfarar, liðsstjórn og fararstjórar þakka strákunum fyrir frábæra ferð sem heppnaðist mjög vel.

Kveðja,
Jón Örvar