Af æfingaleikjum

Meistaraflokkur karla er nú kominn á fulla ferð eftir stutt jólafrí og byrjaði með æfingaleikjum gegn nágrönnum okkar.  Síðastliðinn laugardag lékum við gegn Reyni Sandgerði og lyktaði leiknum með jafntefli 3-3.  Eitthvað voru okkar menn ekki vaknaðir í byrjun leiks því eftir 10 mínútna leik var staðan 2-0 fyrir Reyni.  Okkur tókst þó að jafna leikinn áður en leiktíminn var úti.  Bessi skoraði eitt mark í leiknum í leiknum og Hörður tvö.  Í gær, mánudag, lékum við gegn Víði úr Garði.  Eitthvað var hugarfar okkar leikmanna breytt frá því á laugardaginn.  Öruggur 6-0 sigur var staðreynd, mörkin skoruðu þeir Hörður 3, Jói B. 2 og Magnús Þór með eitt af dýrari gerðinni, 30 metrar í samskeytin.  Allir leikfærir leikmenn Keflavíkur sem æfa með meistarflokki tóku þátt í leikjunum.  Næsti æfingaleikur er gegn Stjörnunni í Kórnum í Kópavogi á laugardaginn kl. 12:00.

Hörður er á skotskónum þessa dagana.