Álftanes - Keflavík á föstudag kl. 20:30

Föstudaginn 24. apríl er komið að leik Álftaness og Keflavíkur í Lengjubikar kvenna.  Leikurinn verður á Samsung-vellinum í Garðabæ og flautað verður til leiks með seinni skipunum eða kl. 20:30.  Dómari verður Hjalti Þór Halldórsson.

Okkar liði hefur gengið ágætlega í keppninni en þetta er síðasti leikur liðsins í riðlinum.  Stelpurnar eru með sex stig eftir fyrstu þrjá leikina, hafa sigrað Sindra og Fram en tapað naumlega fyrir toppliði HK/Víkings.  Álftanes er með þrjú stig eftir tvo leiki.