Anita Lind með U-17 ára til Svartfjallalands

Anita Lind Daníelsdóttir er í U-17 ára landsliði Íslands sem tekur þátt í undanriðli Evrópumóts U17 kvenna sem fram fer í Svartfjallalandi dagana 20.-28. október.  Anita Lind í 18 leikmanna hópi sem Úlfar Hinriksson hefur valið til þátttöku þar.

Anita Lind er fædd árið 1999 og er 16 ára.  Hún lék í sumar með RKV í 3. flokki kvenna og á þegar nokkra leiki að baki með meistaraflokki.  Anita Lind hefur leikið sex leiki með U-17 ára landsliðinu og skorað í þeim eitt mark.

Við óskum Anitu Lind og liðsfélögum hennar góðs gengis.