Aron Freyr kominn á samning

Aron Freyr Róbertsson hefur bæst í stóran hóp ungra leikmanna Keflavíkur sem hefur gert leikmannasamning við félagið.  Hann er fæddur árið 1996 og skrifaði á dögunum undir tveggja ára samning.  Aron Freyr leikur með 2. flokki en var í herbúðum Víðis síðasta sumar og lék þá 16 leiki í 3. deildinni og skoraði þrjú mörk.

Þess má geta að faðir Arons er Róbert Sigurðsson sem lék með Keflavík á árunum 1992 til 1999.  Hann lék á sínum tíma 78 leiki fyrir félagið í efstu deild og skoraði átta mörk sem voru gjarnan glæsileg og mikilvæg.

Á myndinni með fréttinni eru þeir feðgar Róbert og Aron Freyr.