Laugardaginn 23. júní leika BÍ/Bolungarvík og Keflavík í 1. deild kvenna og fer leikurinn fram á Skeiðisvelli á Bolungarvík kl. 12:00.  Okkar lið er með átta stig eftir fjóra leiki í deildinni en BÍ/Bolungarvík er með þrjú stig eftir þrjá leiki.  Dómari leiksins verður Egill Guðvarður Guðlaugsson.

Þetta verður fyrsti leikur Keflavíkur gegn BÍ/Bolungarvík á Íslandsmótinu en sameiginlegt lið Ísfirðinga og Bolvíkinga mætir nú að að nýju til leiks eftir fjögurra ára hlé.  Keflavík og BÍ léku reyndar saman í B-deildinni árið 1992 og þá vann BÍ sinn heimaleik 4-0 en leiknum í Keflavík lauk með 1-1 jafntefli.