Bikarsigur hjá 2. flokki

Lið 2. flokks lék bikarleik gegn Haukum á dögunum en leikið var í Hafnarfirði.  Strákarnir vígðu nýja búninga í leiknum og þeir gáfust enda vann Keflavík/Njarðvík öruggan 5-0 sigur.  Það er vel að verki staðið enda leika Haukar í A-riðli Íslandsmótsins en okkar strákar eru í B-rðili.  Í næstu umferð bikarsins verða andstæðingarnir Fylkir/Elliði og fer sá leikur fram á Iðavöllum föstudaginn 27. júní.

Liðið lék síðan gegn Aftureldingu í Íslandsmótinu og þar unnu bæði A- og B-liðin.  Hjá A-liðunum var aðeins gert eitt mark og það gerði Einar Þór Kjartansson með glæsilegu skoti af löngu færi.  Það var meira fjör hjá B-liðinum en þar vann Keflavík/Njarðvík 6-3.

Næsti leikur hjá A-liðinu verður föstudaginn 20. júní gegn UÍA.  Leikurinn verður á Njarðtaksvellinum kl. 20:00 og við hvetjum alla til að mæta og fylgjast með strákunum.

Þriðjudaginn 24. júní er svo komið að næsta leik hjá B-liðinu en hann verður gegn Fjölni á Iðavöllum kl. 20:00.