BIKARÚRSLIT: Miðasala alla vikuna

Miðar á bikarúrslitaleik Keflavíkur og KR verða seldir í bílasölu K. Steinarsson (Kia-umboðinu, Holtsgötu) þriðjudag til föstudags kl. 10:00 - 18:00 alla dagana.

Miðaverð er 1.500 kr. fyrir 17 ára og eldri en 500 kr. fyrir 11 til 16 ára.  Frítt er fyrir 10 ára og yngri.

Upphitun verður í Ölver í Glæsibæ frá kl. 12:00 á leikdegi og fram að leik og verða veitingar á góðu verði fyrir Keflvíkinga.  Þaðan verður gengið fylktu liði niður á völl u.þ.b. klukkutíma fyrir leik.

Miðar eru ónúmeraðir en Keflvíkingar verða norðanmegin í stúkunni, þ.e. nær Laugardalslauginni.

Við hvetjum stuðningsmenn til að mæta í félagslitunum en Keflavík mun reyndar spila í gulum búningum í leiknum en KR-ingar í sínum hefðbundnu búningum.