BIKARÚRSLIT: Rútuferðir á bikarúrslitaleikinn

Rútufyrirtækið K*Express ætlar að bjóða upp á ferðir fyrir stuðningsmenn Keflavíkur á bikarúrslitaleikinn á laugardaginn.  Rútumiðar verða til sölu samhliða forsölu miða á leikinn hjá K. Steinarssyni að Holtsgötu 52.

Farið verður frá Íþróttahúsinu við Sunnubraut á laugardaginn klukkan 11:30 og svo verður önnur ferð kl. 12:30. Rútan stoppar á Ölveri á leið sinni í Laugardalinn en þar munu þeir allra hörðustu hita upp fyrir leikinn.  Verð í rútuna er 2000 krónur fyrir báðar leiðir.  Ekki er hægt að kaupa miða aðra leiðina.